| عمر بھر وہ مجھ سے شرماتی رہی |
| میری الفت ہاتھ سے جاتی رہی |
| میں پریشاں اپنی روزی میں رہا |
| اور جوانی اس کی بل کھاتی رہی |
| زندگی بھر پیار میں کرتا رہا |
| ظلم وہ مجھ پر سدا ڈھاتی رہی |
| اک تمنا دل کی دل میں رہ گئی |
| اور کلی گلشن میں مرجھاتی رہی |
| جا چکی ہے زندگی سے وہ مری |
| پر خیالوں میں مرے آتی رہی |
| پیار کا اظہار وہ کر نہ سکی |
| دل ہی دل میں گن مرے گاتی رہی |
| کہہ نہ پایا حال دل اس سے کبھی |
| دل کو میرے وہ سدا بھاتی رہی |
| میرا دل میرا کبھی بھی نہ رہا |
| زندگی اپنی مگر ذاتی رہی |
| زندگی بھر میں اسے تکتا رہا |
| وہ بہانے پر نئے لاتی رہی |
| سید ابوبکر مالکی |
معلومات