| نزولِ آیتِ تطہیر کو نہیں سمجھے |
| اگر تفکرِ شبیرٔ کو نہیں سمجھے |
| دلوں میں جن کے نفاقِ رسول و آل ﷺ رہا |
| وہ حکمِ ربی کی تفسیر کو نہیں سمجھے |
| درِ بتولٔ کی تکریم جن سے ہو نہ سکی |
| عدن کے باغ کی جاگیر کو نہیں سمجھے |
| خمِ غدیر کے احکام جو نہ سن پائے |
| علیٔ کے اسم کی تاثیر کو نہیں سمجھے |
| امامِ عصرٔ کی سن کر ندا نہیں پہنچے |
| صدائے نعرۂِ تکبیر کو نہیں سمجھے |
| حدیبیہ کی شرائط پہ وسوسے میں رہے |
| حسنٔ کی صلح کی تدبیر کو نہیں سمجھے |
| جو کربلائے معلٰی نہ جان کر آئے |
| وہ ان کی عظمت و توقیر کو نہیں سمجھے |
| فرات نہر بھی تشنہ لبوں میں تھی سِدْویؔ |
| ہم اس کے آب کی تبخیر کو نہیں سمجھے |
معلومات