| ۔۔۔۔۔۔۔۔۔۔۔۔مدح امامِ مسجدِ اقصیٰ۔۔۔۔۔۔۔۔۔ |
| ۔۔۔۔۔۔صلی اللہ تعالیٰ علیہ واٰلہٖ وسلم۔۔۔۔۔۔۔۔۔ |
| خدا کے بعد ہے اونچا امامِ مسجدِ اقصیٰ |
| نہیں رکھتا کوئی ہمتا امامِ مسجدِ اقصیٰ |
| وہی تعظیم کاحامل وہی مخلوق میں کامل |
| وہی عز و شرف والا امامِ مسجدِ اقصیٰ |
| جمالِ کل جہاں نکلا شہِ ہفت آسماں نکلا |
| امام الانبیا ٹھہرا امامِ مسجدِ اقصیٰ |
| جہاں جبریل تھم جائےبشرکی فکر جم جائے |
| وہاں پر بھی چلا تنہا امامِ مسجدِ اقصیٰ |
| خُلُق جس کامعظم ہےلقب جس کامجسم ہے |
| وہی معراج کا دولہا امامِ مسجدِ اقصیٰ |
| جو ہے حسنِ گلِ آدم جو ہے تنویرِ کل عالم |
| وہی ہے سیدِ بطحا امامِ مسجدِ اقصیٰ |
| ہرایک کردارمیں اعلیٰ رخ ورخسارمیں اعلیٰ |
| بلندی میں ہوا بالا امامِ مسجدِ اقصیٰ |
| جو ہے لاچار کا آقا جو ہے کونین کا داتا |
| وہی ماوا مرا ملجا امامِ مسجدِ اقصیٰ |
| بروزِ حشر آئیں گے خدا سے بخش وائیں گے |
| شفاعت کا لیے جھنڈا امامِ مسجدِ اقصیٰ |
| زباں پر نعت ہے احمد خدا کی بات ہے احمد |
| دلوں میں یادِ روح افزا امامِ مسجدِ اقصیٰ |
| ۔۔۔۔۔۔۔۔۔۔غلام احمد رضا نیپالی۔۔۔۔۔۔۔۔۔۔ |
معلومات