.jpg)
| رب نے بنائے کیسے قرینے وقار کے |
| اُن کا کیا ظہور دو عالم سنوار کے |
| نورِ خُدا سے آپؐ کا نورِ کریم ہے |
| دِل کو ضِیا مِلی ہے نبیؐ کو پُکار کے |
| چُوما جو اُن کا نام کسی بے قرار نے |
| اُن کی طرف سے آئے سفینے قرار کے |
| رحمت بنا کے بھیجا ہے اُن کو جہان میں |
| رب نے خوشی منائی ہے رحمت کو وار کے |
| جب بھی سجائی محفلِ میلادِ مصطفیٰ |
| ہم پر کُھلے دریچے ہیں مولا کے پیار کے |
| کیا نَذْر خُود کو میں نے جو اُن کے حضور میں |
| مُجھ کو ملے خزینے ہیں پروردگار کے |
| اُن کے غلاموں کا میں تو ادنٰی غلام ہوں |
| مالک اَزل سے ہیں وہی مُجھ سے گنوار کے |
معلومات