| غزل |
| رہِ صداقت کے اے مسافر یہ سچ ہے تیرا گھراؤ ہوگا |
| مگرخدا پر یقین رکھنا ہرایک شئ سے بچاؤ ہوگا |
| اسی کو دنیا کہےگی اپنااسی کو دل میں جگہ بھی دےگی |
| خلوصِ کردار جس میں ہوگا وہ جس کا میٹھا سُبھاؤ ہوگا |
| مرے عقابِ جنوں کو روکےکہاں یہ طوفان میں ہےطاقت |
| اسی قدر تیز پرواز ہوگی ہوا کا جتنا دباؤ ہوگا |
| یہ آسمانِ بلند و بالا ہوجائے جتنا بلند چاہے |
| مگر جبینِ فلک کا آخر زمیں کی جانب جھکاؤ ہوگا |
| یہ طائرانِ ہوس گرفتہ بھلا کیا رازِ خودی کو جانیں |
| اُدھر ہی ان کا پڑاؤ ہوگا جدھر ہوا کا بہاؤ ہوگا |
| ضیا ہماری نظر میں وہ لوگ قابلِ احترام ہوں گے |
| جنھیں برائی سے ہوگی نفرت جنھیں بروں سے لگاؤ ہوگا |
| محمد تحسین ضیا مصباحی مظفر پور بہار |
معلومات