| پہلے مجرم اناڑی ہوتا ہے |
| بعد میں اشتہاری ہوتا ہے |
| علم تو علم ہے میاں وہ کب |
| آبی، خاکی، یا ناری ہوتا ہے |
| چُن کے مسند پہ آپ لاتے ہیں |
| جو بھی اچھا مداری ہوتا ہے |
| آپ اپنا شکار بنتا ہے |
| جو اناڑی شکاری ہوتا ہے |
| زخم، خنجر نہ تیر کا صاحب |
| بس زباں کا ہی کاری ہوتا ہے |
| کام عجلت سے گر لیا جائے |
| باعثِ شرمساری ہوتا ہے |
| بولنے پر ہمارے قدغن، اور |
| آپ کا حکم جاری ہوتا ہے |
| اپنی مرضی سے ہو نہیں سکتا |
| عشق بے اختیاری ہوتا ہے |
| جاہلوں کے نگر میں راشد بس |
| پیار تو کار و کاری ہوتا ہے |
معلومات