| دل کا عالم جو مرا زیر زبر لگتا ہے |
| ان کی نظروں کا ہوا ہے یہ اثر لگتا ہے |
| شام فرقت کی نہیں ہوگی سحر لگتا ہے |
| ٹھیک ہوگا نہ یہ اب دردِ جگر لگتا ہے |
| آپ کولگتاہےپر لطف ہےیہ عشق کا کھیل |
| پوچھیے اس سے جسے تیرِ نظر لگتا ہے |
| پہلےتولگتانہیں سب کومحبت کا یہ روگ |
| اور ہوتا بھی نہیں ٹھیک اگر لگتا ہے |
| اتنا کیوں تنگ ہے صیّاد مرا کنجِ قفس |
| "پاؤں پھیلاؤں تو دیوار میں سر لگتا ہے" |
| ایک طرف آپ کوہےشوق گلابوں کابھی |
| اورسنتےہیں کہ کانٹوں سے بھی ڈر لگتا ہے |
| اک تو پہلے سے قیامت ہے سراپا اس کا |
| جب سنورتا ہے تو وہ اور قہر لگتا ہے |
| کوئی شاید ہی پہنچتا ہے ضیا منزل پر |
| تم کو آسان محبت کا سفر لگتا ہے |
معلومات