| لوگ کہتے ہیں کہ افلاس نے دم توڑ دیا |
| ان کے سلطان نے مہنگائی کا سر پھوڑ دیا |
| بھوکے سہ روزہ شکم سیر ہوئے جلسے میں |
| ایک معصوم کی اس بات نے جھنجھوڑ دیا |
| سرِ محفل مجھے الزام دغا دیتے رہے |
| خود پہ بات آئی تو پھر بات کا رخ موڑ دیا |
| مرے قاتل سے مرے قاضی نے گٹھ جوڑ کیا |
| خوں بہا میرا لیا اور اسے چھوڑ دیا |
| کف کے اک چاک کو چاکِ گریباں سمجھا |
| چاک دامن کا رفو گر نے کہاں جوڑ دیا |
| سِدْویؔ محبوب نے اس دل کو کھلونا جانا |
| پاؤں میں روند دیا جوڑ کے پھر توڑ دیا |
معلومات