| مرے مالک مرے آقا |
| سبھی کے ہو تمھی داتا |
| پرندوں کی صدا میں ہو |
| ستاروں کی ضیا میں ہو |
| چمن میں ہو صبا میں ہو |
| گلستاں کی فضا میں ہو |
| کلی کی ہر ادا تجھ سے |
| عروسہ کی حنا تجھ سے |
| تمھی سب کی صداوں میں |
| شکستہ التجاوں میں |
| سسکتوں کی نواوں میں |
| کرم کی انتہاوں میں |
| مری حمد و ثنا میں تم |
| مرے فقرو غنا میں تم |
| نگاہوں کی بصارت ہو |
| بصارت کی طراوت ہو |
| سخاوت ہو عنایت ہو |
| محبت ہی محبت ہو |
| فلک پر ہو زمیں پر ہو |
| جدھر دیکھوں وہیں پر ہو |
| مرا سب کچھ تمہارا ہے |
| تجھے ہر دم پکارا ہے |
| تہی دست وتونگر کا |
| تو ہی یا رب سہارا ہے |
| یہی ساغر صدا میری |
| سنے یا رب دعا میری |
معلومات