| کر کرم اے خدا کر کرم اے خدا |
| سن ہماری صدا سن ہماری صدا |
| ربِ اکبر ہے تو سب کا ہادی ہے تو |
| ہر مرادی کے دل کا مرادی ہے تو |
| نعت لہجے میں میرے ہے صلے علیٰ |
| لب پہ رہتی ہے تیری ہی حمد و ثنا |
| اضطرابی میں مانگوں میں تجھ سے دعا |
| کر کرم اے خدا کر کرم اے خدا |
| میں ہوں ظلمت کی چادر کو اوڑھے ہوئے |
| تو ہے ہر دل کو ہر دل سے جوڑے ہوئے |
| میں ہوں پستی میں ڈوبا تو اعلیٰ خدا |
| جوشِ رحمت ترا سب پہ جاری ہوا |
| میں اندھیرا کوئی تو ہے روشن دیا |
| کر کرم اے خدا کر کرم اے خدا |
| بن کے شہ رگ میں بہتا ہے تو ہی لہو |
| سب کے دل کو فقط ہے تری آرزو |
| سب کی تنہائی کی تو ہی ہے جستحو |
| دیں کی محفل میں ہوتی تری گفتگو |
| انبیا اولیا تیرے در کے گدا |
| کر کرم اے خدا کر کرم اے خدا |
| مشکلیں ہم پہ راہوں میں دشوار ہیں |
| بت مجسم یہ کس کے مددگار ہیں |
| تیری رحمت کے ہم سب طلب گار ہیں |
| غم سے عاجز ہیں لاغر ہیں بیمار ہیں |
| صبر ایوب سا کر تو ہم کو عطا |
| کر کرم اے خدا کر کرم اے خدا |
| فکرِ گہرائی میں دل پریشان ہے |
| کون ہے کیا ہے تو عقل حیران ہے |
| سوچ جائے جہاں جسم بے جان ہے |
| تو ہے نورِ تجلی تو رحمان ہے |
| بخش دینا سبھی کو تری شان ہے |
| عالمِ غیب میں تو ہی ہے حق نما |
| کر کرم اے خدا کر کرم اےخدا |
| کشتئ نوح کو بھی کنارہ دیا |
| بہتی موجوں میں تونے سہارہ دیا |
| گرم صحرا میں مریم کو چارہ دیا |
| صدقِ عیسیٰ سے زندہ دوبارہ کیا |
| حق پرستی میں جینا گوارا کیا |
| دین و ایماں کا ہم پہ اجارہ کیا |
| خواہشِ دید موسیٰ کو کی نہ عطا |
| اور سرِ عرش تو مصطفیٰ سے ملا |
| حق کی تکمیل تو |
| دل میں تحلیل تو |
| ربِ جبریل تو |
| میری انجیل تو |
| میرا قرآن تو |
| علم و عرفان تو |
| تیری دہلیز پر سر ہے میرا جھکا |
| کر کرم اے خدا کر کرم اے خدا |
معلومات