| رکھتی ہے مسلسل ہی پریشان تری یاد |
| کیوں چھوڑ نہیں دیتی مری جان تری یاد |
| ممکن ہے کسی روز مری جان ہی لے لے |
| اس قدر ستاتی ہے اے نادان تری یاد |
| کٹتی ہے کہاں عمر بھلا یاد سہارے |
| لگتی ہے مری موت کا سامان تری یاد |
| جھیلا ہے بہت کرب یہاں میری ہوئی بس |
| روکو نہ کرے اور مرا نقصان تری یاد |
| اب ختم ہوئے جاتے ہیں ان آنکھوں سے آنسو |
| مانگے ہے مگر اور بھی تاوان تری یاد |
| کرتی ہے تعاقب یہ مرا مہر مبشر |
| ہر سمت اٹھائے ہوئے طوفان تری یاد |
معلومات