.jpg)
| مخمور نگاہوں کو نیا جام دے ساقی |
| گرتے ہوئے رِندوں کو ذرا تھام اے ساقی |
| رِندوں کے ہے رُخسار پہ آفاق کی سُرخی |
| کیا بادہ میں اُتری ہے کوئی شام اے ساقی |
| رُکتی نہیں گردشِ ایّام اے ساقی |
| گردش میں رہے جام بِلا تام اے ساقی |
| کُچھ رِند چھپے بیٹھے ہیں اَصنام کی صورت |
| کیا تم ہو شَری رام شَری رام اے ساقی |
| مَے اُن کے لبوں سے جو لگی ہے وہ پلا دے |
| کردے تُو مِرا کام یہی کام اے ساقی |
| ہو پیار کے پیمانے میں دیدار کی مَستی |
| مَستی میں پِھروں عام سَرِ عام اے ساقی |
| جس نام سے منسُوب ہے پیمانۂِ وحدت |
| لے نام وہی نام وہی نام اے ساقی |
معلومات