| چاہتوں کے مرنے میں دیر کتنی لگتی ہے |
| جان سے گزرنے میں دیر کتنی لگتی ہے |
| ایک عمر لگتی ہے خوابوں کے سجانے میں |
| خوابوں کے بکھرنے میں دیر کتنی لگتی ہے |
| زندگانی لگتی ہے سیکھنے میں تیراکی |
| دریا پار کرنے میں دیر کتنی لگتی ہے |
| کتنی دیر لگتی ہے من کسی کا بھانے میں |
| من کسی کا بھرنے میں دیر کتنی لگتی ہے |
| فاصلے بڑھا کر یوں دور دور مت رہ تو |
| دل سے جاں! اترنے میں دیر کتنی لگتی ہے |
| جب کہیں نہیں پہنچا تو مجھے سمجھ آیا |
| تھوڑی دیر کرنے میں دیر کتنی لگتی ہے |
| جو کرے کبھی ہم پر ایک ہی نظر صاحب |
| بخت کے سنورنے میں دیر کتنی لگتی ہے |
| دل ہمارا بیٹھا ہے باتوں کے بھروسے پر |
| باتوں کے مکرنے میں دیر کتنی لگتی ہے |
معلومات