.jpg)
| فَضل جب بے حِساب کرتے ہو |
| دُور دِل کے حجاب کرتے ہو |
| اپنے رَنگوں سے رَنگ کے مُجھ کو |
| ہَستی میری گُلاب کرتے ہو |
| ڈھونڈ لو بے نِشاں کو دِیوانو |
| چُھپ کے ہم سے خِطاب کرتے ہو |
| جِس کو ہاتھوں سے خُود بنایا تھا |
| کیوں اُسی سے نَقاب کرتے ہو |
| جانِ جَاناں تِری اَدا وَاللہ |
| آئینے سے حجاب کرتے ہو |
| فَاش کردے نہ راز دِیوانہ |
| پیش اُس کو شَراب کرتے ہو |
| بحرِ وَحدت کی سُرخ لَہروں میں |
| غَرق کتنے شَباب کرتے ہو |
| عُمر بَھر دے کے دِید کے سَپنے |
| وَصل یومِ حِساب کرتے ہو |
| ساتھ جِس نے دِیا تھا وَلیوں کا |
| جَنّتی وہ کِلاب کرتے ہو |
| تم اُسی کے غلام بن جاؤ |
| عشق جس سے جناب کرتے ہو |
معلومات