| عٍلم کا مِہرِ دَرَخشاں بالیقیں عَبدُالنَبِی |
| اہلِ سُنّت کی ہیں پہچاں بالیقیں عَبدُالنَبِی |
| ہو گیا گروِیدہ اِن کا جِس کو بھی صُحبت مِلی |
| ایسے تھے شاداں و خنداں بالیقیں عَبدُالنَبِی |
| دَشت میں افریقہ کے چشمے بہائے عِلم کے |
| ہو گئی ہر سُو بہاراں بالیقیں عَبدُالنَبِی |
| صاحبِ تقویٰ بھی تھے اور صاحبِ فتویٰ بھی آپ |
| تھا بُزُرگوں کا ہی فیضاں بالیقیں عَبدُالنَبِی |
| ترجمہ، تفسیرِ قرآں اَنگریزی میں کِیا |
| اجر دے گا خوب یزداں بالیقیں عَبدُالنَبِی |
| عاشِقِ خیرُالوَریٰ تھے عاشِقِ طیبہ بھی آپ |
| عِشق کی شمعِ فَروزاں بالیقیں عَبدُالنَبِی |
| مُرشِدی عطار سے بھی تھی محبت لازوال |
| ہو گی یہ بخشش کا ساماں بالیقیں عَبدُالنَبِی |
| دِین کی خدمات ساری اِن کی مولا کر قُبول |
| پارسا صالح مُسلماں بالیقیں عَبدُالنَبِی |
| نقش زیرکؔ کے ہے دِل پر اُن کی صحبت کا اثر |
| اس سعادت پر ہُوں نازاں بالیقیں عَبدُالنَبِی |
معلومات