| سرکارِ دوعالم کے فرامین کے وارث |
| وہ بعدِ عمر مملکتِ دین کے وارث |
| کرتے ہیں حیا جن سے فرشتے بھی فلک پر |
| عثمان ہیں اس خُلقِ براہین کے وارث |
| قرآن کیا جمع بہ توفیقِ الٰہی |
| کہنا ہے بجا مصحفِ تسکین کے وارث |
| دو نور ملے ان کو درِ پاک نبی سے |
| دونوں ہی طہارت کے عناوین کے وارث |
| بے غرض سخا جس کا ہے منشورِ حقیقی |
| عثمانِ غنی ایسے ہیں آئین کے وارث |
| تا عمر نہیں دین پہ آنے دی کوئی آنچ |
| تھے عزم و عمل ، کلمۂِ حق بین کے وارث |
| فرمائی مسلمانوں کی عسرت میں بھی نصرت |
| کہلائے وہ ما ضَرَّ کی تبیین کے وارث |
| جب دستِ نبی دستِ غنی کا بنا مصداق |
| اس بیعتِ رضوان پہ آمین کے وارث |
| اشعار وہی اصل میں ہیں منقبت آسی |
| سیرت کے جو سچے ہیں مضامین کے وارث |
| قمرآسیؔ |
معلومات