| سجدوں میں پڑا در پہ پشیمان ہوں مولا |
| حالت ہوئی اپنی پہ پریشان ہوں مولا |
| آنکھوں میں جلن سینے میں خاموش ہے طوفاں |
| بے حس ہوں پڑا فکر میں بے جان ہوں مولا |
| رحمت کا ہوں طالب میں جو دشوار ہے منزل |
| کر دے اسے آساں ترا احسان ہے مولا |
| قابل ہے ستائش کے تو معبود ہے میرا |
| اللہ تری اس شان پہ قربان ہوں مولا |
| خالق ہے تو ہر چیز پہ قادر ہے تو مطلق |
| اک تیری بڑائی کا میں اعلان ہوں مولا |
| مفلس کے ضروری ہے بدن پر کوئی پردہ |
| مجھ پر ہو کرم چاک گریبان ہوں مولا |
| آدم ہوں خلیفہ ہوں میں دھرتی پہ تمہارا |
| غلطی کا ہوں پتلا ترا انسان ہوں مولا |
معلومات