| یہ دل ہے مضطرب اس کی اماں صدیقِ اکبر ہیں |
| سیاہی دور ہو جس سے سماں صدیقِ اکبر ہیں |
| خلیل اپنا اگر پوچھیں کسے چنتے صحابہ میں |
| جوابِ حق یہی آتا کہ ہاں صدیقِ اکبر ہیں |
| بیاں ہو کس طرح کھل کر کسی سے شانِ صدیقی |
| خدا کے مصطفیٰ کو ارمغاں صدیق اکبر ہیں |
| بشارت ان کو جنت کی امام الانبیاء نے دی |
| ہوئی مشتاق ہے جن کی جناں صدیق اکبر ہیں |
| صداقت فخر کرتی ہے کہ ہے کس سے اسے نسبت |
| صداقت کے لئے بھی سائباں صدیق اکبر ہیں |
| امانت دار تھے وہ راز دارِ مصطفیٰ بھی تھے |
| رسالت کے سفر میں رازداں صدیق اکبر ہیں |
| اکابر کے مسائل کو اکابر پر ہی چھوڑو تم |
| خرد والے سمجھتے ہیں کہاں صدیق اکبر ہیں |
| کیا ثاقب پہ ہے واضح علی مولا کی بیعت نے |
| نبی کے بعد امت کی اماں صدیقِ اکبر ہیں |
معلومات