.jpg)
| سیدھا سیدھا راستہ ہے احمدِ مختارؐ کا |
| بے تکلّف زندگی ہے، راستہ ہے پیار کا |
| مُسکرا کے گھر ہی سارا، دے دیا صدیقؓ نے |
| پہنے کپڑے ٹاٹ کے، کیا حوصلہ ہے یارؓ کا |
| سادگی میں بندگی ہے، بندگی میں سادگی |
| سادہ سادہ سلسلہ ہے وَصْل اور دیدار کا |
| سادگی دَر عاشقی، یہ عاشقی کا نُور ہے |
| سادگی ہے آئینہ عاشِقِ دلدار کا |
| سادگی احساس ہے نعمتوں کی قَدر کا |
| سادگی منشور ہے، عجز کا ایثار کا |
| سادگی میں ہے سہولت، عار اس میں کُچھ نہیں |
| سادگی آسودگی ہے، تاج ہے بیدار کا |
| پُرتکلف زندگی، بندگی سے دُور ہے |
| یہ تَصنّع کام ہے دین سے بیزار کا |
| جس کا مَسلک سادگی ہے، خادِمِ مخلوق ہے |
| ذُوالْفِقارِؒ پیرِ مَن، وہ بندہ ہے سرکارؐ کا |
| اے غلاؔمِ خواجہ تُو، مُرشد کی باتیں مان لے |
| اپنا رانجھا راضی رکھ، تُو چھوڑ فکر اغیار کا |
معلومات