| غمزدہ ہے دل ہمارا رب کے مہماں الوداع |
| اشک آنکھوں سے رواں ہیں ماہِ رمضاں الوداع |
| قلبِ عاشق کے لئے تُو بن کے آیا تھا بہار |
| تیرے جانے پر ہے دِل ویران و سُنساں الوداع |
| گیارہ ماہ تک اب رُلائے گا ہمیں غم ہجر کا |
| جا ترا اللہ حافظ اے مری جاں الوداع |
| چھم چھما چھم ہر گھڑی تھا رب کی رحمت کا نُزُول |
| تیرے جانے پر ہُوا بخشش کا ساماں الوداع |
| سجتی تھی بزمِ سَحَر افطار کا بھی لُطف خوب |
| رونقیں وہ مسجدوں کی ماہِ سُبحاں الوداع |
| ان مُبارک ساعتوں میں بھول جاتے دُکھ سبھی |
| غم کے ماروں کے لئے راحت کا ساماں الوداع |
| ہم سے راضی ہو کہ جانا بخشوانا سب گُناہ |
| واسطہ پیارے نبی کا ماہِ غُفراں الوداع |
| اے مری عُمرِ رَواں تُجھ سے وفا کی التجا |
| ساعتیں رمضان کی ہوں جب کہے جاں الوداع |
معلومات