.jpg)
| اے دوست تیری یاد کو اِیماں بنا لیا |
| دردِ فراقِ یار کا دَرماں بنا لیا |
| بخشی ہے تیری یاد نے مجھ کو وہ معرِفت |
| اہلِ خِرد نے مجھ کو بھی لُقماں بنا لیا |
| غافل ہوا جو یاد سے یہ خَلقِ بہتریں |
| اَسفَل ہوا خُودی کو جو حیواں بنا لیا |
| فتنے ہزار ہیں یہ خیالوں پہ حملہ ور |
| تیری ہی یاد کو شَہِ نِگراں بنا لیا |
| وقتِ اَجل ہو کے تِری یادوں میں مَست و گُم |
| ہاں موت کو ہَمی نے یوں آساں بنا لیا |
| اے حُسنِ لَم یَزال یہ معجز نُمائیاں |
| جَذبِ جُنون نے تجھے یَزداں بنا لیا |
| خواجہ تِرے کرم سے مُقدر بدل گئے |
| عاصی غلام کو سَگِ رِنداں بنا لیا |
معلومات