.jpeg)
| ربط سوزِ دروں دھواں تک ہے |
| درد کا سلسلہ فغاں تک ہے |
| سحر انگیزی تو زباں تک ہے |
| قصہ جو کچھ بھی ہے بیاں تک ہے |
| وُسْعَتِ دامَنِ حَیات نہ پُوچھ |
| یہ زمیں کیا ہے آسماں تک ہے |
| کہکشائیں دکھا رہی ہیں راہ |
| زندگی کا سفر کہاں تک ہے |
| یوں تو گھر اور بھی ہیں بستی میں |
| سنگ باری میرے مکاں تک ہے |
| اک فَریبِ خَیال ہے عالم |
| مَظْہَرِ رنگ و بو گماں تک ہے |
| میں کہ اک طائِرِ شکستہ پر |
| شوق پرواز آشیاں تک ہے |
| یہ زمیں کا سفر ہے اے شاعر |
| گردش ہفت آسماں تک ہے |
معلومات