| شورشِ روزِ حشر سے دل مرا خوف کھاۓ کیوں؟ |
| میں ہوں غلام مصطفی آگ مجھے جلاۓ کیوں؟ |
| ذکر رسول پاک ہو اور وہ بھی ہو حسن کا |
| قصۂِ حور و خلد پھر، کوئی ہمیں سنائے کیوں؟ |
| تابعِ حکمِ مصطفے ذرہ ہے کائنات کا |
| کیسے نہ چاک ہو قمر شمس پلٹ نہ آئے کیوں؟ |
| خلدِ بریں میں جائے گا، عاشقِ مصطفی فقط |
| منکرِ شاہِ انبیا، خلدِ بریں میں جائے کیوں؟ |
| جبکہ ہیں میرے مصطفی مہر نگین انبیا |
| پھر کوئی اس جہان میں خود کو نبی بتاۓ کیوں؟ |
| جو،کہ گدا ہے آپ کا آپ کے در سے پاۓ گا |
| غیر سے کیوں کرے طلب غیر کے درپہ جاۓ کیوں؟ |
| میں نے رسول پاک پر خود کو فنا کیا تقیؔ |
| دل میں مرے حضور ہیں اور کوئی سماۓ کیوں؟ |
معلومات