| دل کہ غم کا کوئی خزینہ تھا |
| زخموں سے چھلنی اپنا سینہ تھا |
| دورِ اک بادۂ شبینہ تھا |
| گو مقدس بڑا مہینہ تھا |
| گزرے وقتوں کی یہ کہانی ہے |
| ایک دریا تھا اک سفینہ تھا |
| یاد آیا خدا بھی کب مجھ کو |
| ڈوبنے کو کہ جب سفینہ تھا |
| ٹھیس لگتے ہی چور چور ہوا |
| جو مرے دل کا آبگینہ تھا |
| دل نہ تھا سینے میں مرے گویا |
| آرزوؤں کا اک دفینہ تھا |
| آنکھوں میں ڈورے تھے حیا کے ترے |
| شرم کا جسم پر پسینہ تھا |
| وہ گُنَہ ہم سے جب ہوا سرزد |
| بارشوں کا کوئی مہینہ تھا |
| ہر حسینہ پہ تھی نظر اس کی |
| دل ہمارا بڑا کمینہ تھا |
| اتنی اونچی تھی عشق کی منزل |
| از زمیں تا فلک کہ زینہ تھا |
| شیخ جی کو کبھی نہیں آیا |
| مے کے پینے کا جو قرینہ تھا |
| زخم ہر اس دلِ شکستہ کا |
| جیسے کوئی جڑا نگینہ تھا |
| جستجو میں رہے یوں ہم گویا |
| آپ کا حسن اک خزینہ تھا |
| دام ہم نے بچھاۓ تھے یوں کئی |
| نام اس کا بھی پر حسینہ تھا |
| دل جگر ہوتے کیوں نہ پھر گھایل |
| غم سے چھلنی ہمارا سینہ تھا |
| اک رہے ہم ہی بد نصیب آخر |
| جو ملا راہیِ مدینہ تھا |
معلومات