| جہانِ عشق میں ہم لوگ معجزہ کرتے |
| نگاہِ یار کے تیور اگر پڑھا کرتے |
| ستارے توڑ کے لے آتے مانگ بھرنے کو |
| فلک کے چاند کو بے رنگ کر دیا کرتے |
| ہم آسمان کو مٹھی میں کر بھی سکتے تھے |
| ذرا سا تم جو مری جان حوصلہ کرتے |
| جہان سارا محبت کے نام پر جیتا |
| تمہارا ساتھ جو ملتا تو معجزہ کرتے |
| تمہارے سحر سے بچنا محال تھا ورنہ |
| ہم اپنے آپ سے فرصت میں رابطہ کرتے |
| ہوا کے رُخ کو بدلنا بھی عین ممکن تھا |
| ہمارے حق میں اگر آپ بھی دعا کرتے |
| اجی یہ کیسا تغافل ہے مجھ سے چارہ گر |
| " کبھی کبھی تو مری داستاں سنا کرتے " |
| عجیب طرزِ تکلم تھا میرے محسن کا |
| ہم اعتبار نہ کرتے تو اور کیا کرتے |
| طویل شب تھی بہت ہجر کی مگر راشد |
| کٹی یہ رات بھی آخر خدا خدا کرتے |
معلومات