.jpg)
| تاجِ رحم و کرم وہؐ رکھتے ہیں |
| روزِ محشر بھرم وہؐ رکھتے ہیں |
| جب وہؐ چاہیں سنواریں قسمت کو |
| میرے آقاؐ قلم وہ رکھتے ہیں |
| اُمّتی اُمّتی پُکارا ہے |
| وقتِ آخر یہ غم وہؐ رکھتے ہیں |
| جِس کی چھاؤں میں آئے گی اُمّت |
| کملی والےؐ عَلَم وہ رکھتے ہیں |
| اُس کا دِل بھی بنے ہے بَیتُ اللہ |
| جِس کے دِل میں قَدم وہؐ رکھتے ہیں |
| عِشق جن کو ہُوا مدینے سے |
| آنکھ اپنی کو نَم وہ رکھتے ہیں |
| ناز کر تُو غلام قسمت پر |
| تُجھ پہ دَستِ کرم وہؐ رکھتے ہیں |
معلومات