| ۔۔❣️ثنائے نورِ صلی اللہ علیہ وسلم❣️۔۔ |
| خدا کے فضل کی زیرِ پناہ میں آیا |
| ثنا کے واسطے جب نور گاہ میں آیا |
| کلامِ نور کی آیت خیال میں آئی |
| نبی کی مدح کا رستہ نگاہ میں آیا |
| غزل کو چھوڑ کر آیا نعوت کی جانب |
| زمانہ چھوڑ کے دربارِ شاہ میں آیا |
| کوئی مدینہ نہ پہنچا خیالِ بدعت میں |
| کوئی لحد کو بھی آقا کی چاہ میں آیا |
| مرا بھی نام شمارا گیا ثنا گر میں |
| مرا وجود بھی رحمت کی جاہ میں آیا |
| خدا کی حمد بھی نعتِ رسول میں آئی |
| بیانِ نعت بھی ذکرِ الٰہ میں آیا |
| ہےاس کی بخت کو حاصل نجات کی منزل |
| وہ جو حضور کی مدحت کی راہ میں آیا |
| عطا ہوئی دلِ احمد کو وصل کی لذت |
| درود لب پہ جو ہجرت کے ماہ میں آیا |
| ۔۔۔۔۔۔۔۔۔۔۔ غلام احمد رضا نیپالی ۔۔۔۔۔۔۔۔۔ |
معلومات