برائے عام تعارف مرا کرائے گا |
دہر مدام تعارف مرا کرائے گا |
کبھی چلو تو سہی تم جنوں کے رستے پر |
ہر اک مقام تعارف مرا کرائے گا |
زباں خموش رہی تو یہ لفظ بولیں گے |
مرا کلام تعارف مرا کرائے گا |
تمام شعر تمہارے لیے ہیں شہ زادی |
تمہارا نام تعارف مرا کرائے گا |
سجاؤ خود کو مگر احتیاط سے لڑکی |
یہ اہتمام تعارف مرا کرائے گا |
سراغ چاہیے میرا تو مے کدو کو چلو |
وہاں امام تعارف مرا کرائے گا |
درست و تام کی تائید کی نہیں خواہش |
خراب و خام تعارف مرا کرائے گا |
معلومات