| اک عدوئے بو البشر ، انسان ہے |
| خاک سے ہے پر شرر انسان ہے |
| خود کو سمجھے با ہنر ہر آدمی |
| کس قدر نا دیدہ ور انسان ہے |
| پوچھتا ہے تو مری اوقات کیا؟ |
| لگتا ہے تو کم نظر انسان ہے |
| تجھ کو ہے کس بات پر اتنا غرور |
| تو بھی قصہ مختصر انسان ہے |
| گو درندہ کہتا ہے حیوان کو |
| باعثِ فتنہ مگر انسان ہے |
| غفلتوں کے گیت گائے زندگی |
| اور ہمہ تن گوش ہر انسان ہے |
| گرچہ خود غرضی ہے فطرت میں تری |
| مہرباں بھی بن اگر انسان ہے |
| آدمی کا دشمنِ جاں آدمی |
| اس چمن میں وجہِ شر انسان ہے |
| خود کو جانے ماہتاب و آفتاب |
| سِدْویؔ لیکن خاک سر انسان ہے |
معلومات