| وائے قسمت قُدس میں اب بھُوک سے مرتے ہیں لوگ |
| کیوں نہ جانے ظلم کی یہ انتہا کرتے ہیں لوگ؟ |
| ناتُواں اور جاں بَلَب اَطفال کرتے ہیں سَوال |
| دیکھ کر حالت ہماری پیٹ کیوں بھرتے ہیں لوگ؟ |
| ہے یہاں اظہارِ رائے کا سبھی کو اِختِیار |
| پھر عَلَم حق کا اُٹھانے سے ہی کیوں ڈرتے ہیں لوگ؟ |
| قتل و غارت اہلِ مغرب کا بنا ہے اب شِعار |
| توپ خانے سے تو اِن کے روز ہی مرتے ہیں لوگ |
| بے حِسی پر کیوں کریں اقوامِ عالم کو مُعاف؟ |
| کیا نہیں انسان مُسلَم؟ اتنے کیوں ڈرتے ہیں لوگ؟ |
| ساتھ زیرکؔ کون دیتا ہے یہاں کمزور کا |
| آپ اپنا حال پھر کمزور کیوں کرتے ہیں لوگ؟ |
معلومات