| اے چھپی اٹل حقیقت کی گھڑی |
| جس کا آنا حق ہے، |
| جس کا چھا جانا بے شک ہے |
| تم نے سب لذت کھا لینی ہے |
| تم نے ہر اجرت پا لینی ہے |
| مہیب پردوں میں مدفن بھی نہ بچ سکے گا |
| اجلی روشنی میں اوڑ ھے کفن بھی پکڑا جائے گا |
| اے نئی دنیا کی سچی پیامبر ۔۔۔عنقریب تیرا سامنا ہے |
| پھر یاروں سے اور پیاروں سے دائمی مفارقت ہے |
| اس پتلی نے چڑھ جانا ہے |
| اس پنڈلی نے کھل جانا ہے |
| پھر ایک آگ کا گڑھا ہے |
| یا خوش رنگ باغ پڑا ہے |
| اے خالق موت ۔۔۔ |
| اتنی مہلت دے ذرا کہ خاک مدینہ و نجف چھو سکوں |
| بلند مکہ کی برکت میں کبھی مطمئن ہو کر سو سکوں |
| ورنہ دکھاوا زندگی کا دکھاوا ہی رہ جائے گا |
| یہی پچھتاوا ہے یہی پچھتاوا ہی رہ جاۓ گا |
| آزاد نظم : شاعر : کاشف علی عبّاس |
معلومات