.jpg)
| "جتنے اِس عالَمِ اِمکاں میں پیمبر آئے" |
| شاہِ اِمکاںؐ کی مُحبت سے مُنور آئے |
| ذاتِ باری نے جو امکاں کو حقیقت بخشی |
| عالَمِ اِمکاں میں حقیقت کے مظاہر آئے |
| بزمِ اِمکاں میں حقیقت کی شناسائی کو |
| بزمِ واجب سے نبوت کے سکندر آئے |
| قوسِ اِمکاں میں دُبارا یہ نہیں ہے ممکن |
| اُنؐ کے جیسا، وہ مُزملؐ، وہ مُدثرؐ آئے |
| شانِ لولاک کے صدقے سَبھی اِمکاں ممکن |
| ورنہ ممکن کو بھی اِمکاں نہ مُیسر آئے |
| میں نے بھیجا تھا انُہیں ایک سلامِ اُلفت |
| اُنؐ کے دامن سے مُحبت کے سُمندر آئے |
| کیسے ممکن ہے ثنائے شَہِ بَطحاؐ، سُن لو |
| جب تلک اُنؐ کی طرف سے نہ تَصور آئے |
| آگیا اُنؐ کا تصور تو یہ بھی ممکن ہے |
| کہ مِرے خواب میں صورت وہ حَسیں تَر آئے |
| نعت سن کر یہ مِری، مُجھ سے کہیں گے آقاؐ |
| مُجھؐ تلک میرا غلام آئے، بَرابر آئے |
معلومات