نیک بختی کے ساتھ شاپنگ

لمی ساری لِسٹ بنا کے، ٹُر پئی بیگم وَل بازار

ویکھے ہر شے نال باریکی، لمیاں سوچاں لمے وچار

چپہ چپہ کچھدی جاوے، چُک کہ چیزاں رکھدی جاوے

چیز پسند نہ آوے کوئی، چھوڑ دُکاناں لنگھدی جاوے

جدھر بیگم ٹُردی جاوے، ٹُردا جاوے نال نمانڑا

جہہڑا لاوے جِیبھ نُو تالے، اُس تُو وَدھ کے کون سیانڑا

وقت دا پہیہ چلدا جاوے، چڑھدا سُورج ڈھلدا جاوے

سوچاں دے اک ڈھونگے کُھوہ اِچ، دِل تاں میرا ڈُبدا جاوے

لِسٹ نے مُکڑاں کیہڑے ویلے، رَبّا ہوون ختم جھمیلے

لَتّاں لک تے مُوہنڈے کُوکن، ویلے لنگھے آئے کویلے

اَدّھی لسٹ تاں پُوری ہوئی، ادھی دی فِر اگلی وار

ادھی جا کے واپس کیتی، شاپنگ رہ گئی اک بٹا چار

شُکر خُدا دا یُوکے دے وِچ، مُل نے ایتھے سارے پکے

ُورنہ مُل مُکاون دے وِچ، رہ جاندے سب ہکے بکے

رولا پا کے کی لبھنڑا ای؟ صبر دا زیرک دامن پھڑ لے

بھلیاں لوکاں دی گل مَن کے، جھولی دے وچ موتی بھر لے