| ظلم پر آپ چوں نہیں کرتے |
| آبرو ہو تو یوں نہیں کرتے |
| شَجَرِ خُلْد کے طلبگاران |
| جبر پر سر نگوں نہیں کرتے |
| کچھ تو اوروں کے واسطے بھی چھوڑ |
| رزق سب کا دروں نہیں کرتے |
| نہ ہے ابرو میں خم نہ زلف دراز |
| نین بھی سرمہ گوں نہیں کرتے |
| ہم ہیں شاعر زمیں کشید کریں |
| حرف تابع فسوں نہیں کرتے |
| عشق اب بن گیا وسیلۂِ مرگ |
| اعتبار آپ کیوں نہیں کرتے |
| رقصِ بسمل دکھائیے سب کو |
| پسِ دیوار خوں نہیں کرتے |
| کچھ تو حیلہ ہو باعثِ تسکین |
| ہر گھڑی بے سکوں نہیں کرتے |
| سِدْویؔ کچھ بخت نے بھی مارا ہے |
| حال ہم خود زبوں نہیں کرتے |
معلومات