| تیری جذاب نگاہوں پہ میں سو بار نثار |
| اے مری راحتِ جاں شوقِ نظر دل کا قرار |
| تو مہ و مہر تو تتلی تو صنوبر تو گلاب |
| اور کس کس میں کروں جانِ غزل تیرا شمار |
| سرمئی آنکھیں سیہ زلف گھنے ابرو پلک |
| حسن خود تجھ پہ ہے وارفتہ مری حسنِ بہار |
| خوش نوائی کا یہ عالم ہے کہ اللہ کی پناہ |
| بلبل و کوئل و مینا پہ بھی چھا جائے خمار |
| جس کو دیدار میسر ہو ترا صبح و شام |
| عید ہی عید ہے اس شخص کی پھر لیل و نہار |
| حرف آغاز کہ تو حورِ زمیں رشکِ بہار |
| ختم شد اس پہ کہ تو میرا فقط میرا وقار |
معلومات