| تم جا رہی ہو سچ میں جاؤ خوش رہو |
| جس سے نبھانی ہے نبھاؤ خوش رہو |
| . |
| کیوں وقت رخصت رو رہی ہو زار زار |
| آنکھیں اُٹھاؤ مسکراؤ خوش رہو |
| . |
| جاؤ جیو اس زندگی کے راہ میں |
| سپنے سجاؤ گھر بساؤ خوش رہو |
| . |
| میرے مقدر میں فقط تنہائی ہے |
| تم یاروں کی محفل سجاؤ خوش رہو |
| . |
| جس کی بھی آنکھوں میں رہو کھلتی رہو |
| جس کی بھی باہوں میں سماؤ خوش رہو |
| . |
| مجھ کو بلاتی ہے صدا صحراؤں کی |
| میں جا رہا ہوں ہمنواؤ خوش رہو |
| . |
| وہ جو کھٹکتا تھا تمہاری آنکھوں کو |
| وہ مر گیا فرماں رواؤ خوش رہو |
معلومات