| کیا عجب سب کا یہ کاروبار ہے |
| جب سے دنیا بن گٸی بازار ہے |
| جھوٹ بکتا ہے مسلسل اب یہاں |
| ہر منافق وزنی ساہوکار ہے |
| بات جو حق کی کرے دیوانہ ہے |
| سچ لگے سب کو یہاں بے کار ہے |
| دھوکا مقصد ہے سبھی کا اب یہاں |
| شخص ہر اب اک بڑا فنکار ہے |
| ہٹ چلاٸے اپنی بیٹھا ہے وہ بھی |
| خود جو کرنے والا استفسار ہے |
| دے سزا بھی کون کس کو کوٸی اب |
| قاضی بھی جب دیکھو بادہ خوار ہے |
| ہے مقدر گھِسنا ہر کمزور کا |
| بس وہ طاقت ور کا جو اوزار ہے |
| بھول کر ساحل خدا کو ہم سبھی |
| بن چکے شیطانی پیروکار ہیں |
| عمر احسان ساحل |
معلومات