| وہی کمال حسن ہے وہی جمال دل ربا |
| وہی کمال بے رخی وہی جمال خوش نما |
| اسی کے اک خیال میں تمام عمر کاٹ دی |
| اسی کے وصل کی تڑپ کہ جان سے گزر گیا |
| اسی کی قدر و منزلت کا تھا خیال اب تلک |
| وگرنہ میں تو کب کا اپنی آن سے گزر گیا |
| وہی نسیم صبح ہے وہی بہار جاں فزا |
| وہی نہ ہو تو ہر چمن خزاں ہی کا شکار ہے |
| بس اس کے دید کی لگن ہی میرے دل کا چین تھی |
| یہ اس کے ہجر کا اثر کہ دل میں اضطرار ہے |
| بس اب زبان بند کر نہ کھول اپنے دل کا حال |
| بجز رضا کہ جانِ من کسے ترا خیال ہے |
معلومات