| ستم ٹوٹا اند و ہناک اس جہاں پر |
| مقدس ہوئے سینے چاک اس جہاں پر |
| گنہگار ناپاک دشمن کے ہاتھوں |
| ستائے گئے جسم پاک اس جہاں پر |
| کیے قتل معصوم دھوکے میں لا کر |
| ہوا دھوکا افسوس ناک اس جہاں پر |
| مقدس سروں کو اَنی پر اُٹھایا |
| منافق نے کر کے ہلاک اس جہاں پر |
| بچھی کربلا میں صف بین و ماتم |
| تھا منظر بہت کرب ناک اس جہاں پر |
| بہتر شہیدوں کا غم لے کے دل میں |
| ہے ماتم میں کربل کی خاک اس جہاں پر |
| حسین ابنِ حیدر نے باطل سے لڑ کر |
| بٹھا دی ہے مسلم کی دھاک اس جہاں پر |
| سدا ہوگا ماتم حسینی، سحاب |
| ہوا سانحہ شرم ناک اس جہاں پر |
معلومات