| آتا ہے مہینوں کا، سلطان مبارک ہو |
| نازل ہوا ہے جس میں، قرآن مبارک ہو |
| خود پر کھلے گا خود کا، برہان مبارک ہو |
| یعنی بنے گا آدمی، انسان مبارک ہو |
| رب کی عطا سے پائیں گے شان مبارک ہو |
| رمضان مبارک ہو، رمضان مبارک ہو |
| روزے سے شکم اپنا، مرغوب بنا ڈالو |
| بس علوی صفت کو ہی، مطلوب بنا ڈالو |
| امّارہ نفس کو بھی، معتوب بنا ڈالو |
| یوں سفلی صفت کو اب، مغضوب بنا ڈالو |
| مردود ہے جو شیطاں، مغلوب بنا ڈالو |
| شیطان کو صیام کا، زندان مبارک ہو |
| رمضان مبارک ہو، رمضان مبارک ہو |
| روزوں کے تحمل سے اعجاز عطا ہوگا |
| جو صبر کرے اس کو اعزاز عطا ہوگا |
| درجہ بھی نمایاں اور ممتاز عطا ہوگا |
| اور علم و معارف کو ہر راز عطا ہوگا |
| کیا حق ہے ہے کیا باطل انداز عطا ہوگا |
| صائم کو عطا ہوگا فرقان مبارک ہو |
| رمضان مبارک ہو رمضان مبارک ہو |
| اللہ کی عنایت سے، کیا مرتبہ ہے پایا |
| رمضان ہے جو آیا، رحمت کی گھٹا لایا |
| برسات بھی بخشش کی، رمضان ہے برسایا |
| بھوکےبھی ہے رکھایا، تشنہ بھی ہے رکھایا |
| عصیاں سے معافی بھی، غفّار سے دِلوایا |
| مالک ہے عطا کرتا، غفران مبارک ہو |
| رمضان مبارک ہو، رمضان مبارک ہو |
| رمضان الَف ماہ کی عظمت سے سہانا ہے |
| دل اپنا عبادت سے مؤمن کو سجانا ہے |
| رمضان کی مجلس تو کل ماہ منانا ہے |
| پھر بات ذکی تم کو اک اور بتانا ہے |
| رمضان کا جانا بھی تو عید کا آنا ہے |
| پاکیزگی کا حامل مہمان مبارک ہو |
| رمضان مبارک ہو رمضان مبارک ہو |
معلومات