| امیرِ دینِ پیغمبر علی حیدر علی حیدر |
| مِرے مولا مِرے سرور علی حیدر علی حیدر |
| ہیں نورِ احمد و داور علی حیدر علی حیدر |
| ضیائے اختر و خاور علی حیدر علی حیدر |
| نبی کی جاں علی حیدر نبی کا دل علی حیدر |
| نبی کی ذات کا مظہر علی حیدر علی حیدر |
| یہی سجّاد کہتےتھے یہی باقر یہی جعفر |
| نبی کا نور ہے یکسر علی حیدر علی حیدر |
| علی ہیں علم کا منبع علی ہیں علم کا معدن |
| نبی کے علم کا ہیں در علی حیدر علی حیدر |
| علی کا عاشق و شیدا منافق ہو نہیں سکتا |
| کہ ہیں ایمان کا محور علی حیدر علی حیدر |
| بنے امّت کے مولا یہ فرامینِ نبی سن لو |
| مری امت کا ہے رہبر علی حیدر علی حیدر |
| امامت میں ہیں یہ اول سلاسل کا ہیں یہ مصدر |
| یہی ولیوں کے ہیں سرور علی حیدر علی حیدر |
| علی ہیں افضلِ امت نبی کے بعد یہ سن لو |
| کہ زہرا کے یہں وه شوہر علی حیدر علی حیدر |
| کلام اللہ خود شاہد ہے حیدر کی طہارت پر |
| وه ہیں تطہیر میں اطہر علی حیدر علی حیدر |
| احد ہو بدر ہو احزاب ہو یا غزوهٔ خیبر |
| وہی غالب رہے سب پر علی حیدر علی حیدر |
| مقابل جو بھی ہے آیا پھر وه بچ نہیں پایا |
| خدا کا شیر وه صفدر علی حیدر علی حیدر |
| نبی کے ساتھ وفاؤں کا نبھایا سلسلہ جس نے |
| ابو طالب کا وه گوہر علی حیدر علی حیدر |
| دعا ہے کمتریں فیضان بھی پہنچے زیارت کو |
| نجف کا در کھلے اِس پر علی حیدر علی حیدر |
معلومات