| غزل |
| زندگی میں کمی سی لگتی ہے |
| یہ مجھے اجنبی سی لگتی ہے |
| ایک لمحہ ہوا جدا ہو کر |
| مجھ کو لیکن صدی سی لگتی ہے |
| گھر جلانا تو ان کا پیشہ ہے |
| ان کو یہ روشنی سی لگتی ہے |
| دل میں جذبہ نہیں ہے الفت کا |
| رہبری رہزنی سی لگتی ہے |
| بے قراری ، گھٹن ، تیری چاہت |
| مجھ کو یہ عاشقی سی لگتی ہے |
| درد کی داستان لکھتا ہوں |
| ان کو یہ شاعری سی لگتی ہے |
| گھر میرا محل میرے خوابوں کا |
| ظاہرا جھونپڑی سی لگتی ہے |
| مسکراتا ہے یوں تو میں سیدؔ |
| آنکھ میں کچھ نمی سی لگتی ہے |
| سید ابوبکر مالکی |
معلومات