| بَجَٹ آ رَہا ہے بَجَٹ آ رَہا ہے |
| سُنا ہے کہ پِھر کَٹ پَہ کَٹ آ رَہا ہے |
| سُنا ہے کہ کُچھ مُلتوی ہو گیا ہے |
| سُنا تھا کہ اِس بار جَھٹ آ رَہا ہے |
| اِسے مُنہ دِکھانے کی ہِمَّت نَہِیں ہے |
| وہ ڈالے ہُوئے مُنہ پَہ لَٹ آ رَہا ہے |
| سُنا ہے نیا اِس میں کُچھ بھی نَہِیں ہے |
| لَگا کے پُرانی ہی رَٹ آ رَہا ہے |
| نَہ مَرہم نَہ دارُو نہ کوئی دَوا ہے |
| لَگانے ہمیں پِھر سے پَھٹ آ رَہا ہے |
| کِسی کے لیے ایک دو بُوند ہی ہے |
| کِسی کے لیے تو یِہ غَٹ آ رَہا ہے |
| اَمیروں کو پِھر سے زیادہ مِلے گا |
| غریبوں کے حِصّے میں گَھٹ آ رَہا ہے |
| غَریبوں کے حِصّے میں گَردَن کی بوٹی |
| اَمیروں کے حِصّے میں پَٹ آ رَہا ہے |
| (مرزا رضی اُلرّحمان) |
معلومات