| دعا کام میرا اثر آپ دے دیں |
| بس اک مختصر سی نظر آپ دے دیں |
| نہیں سر چھپانے کا کوئی ٹھکانہ |
| مجھے اپنی نگری میں گھر آپ دے دیں |
| ستاروں سے مٹھی بھری ہے ہماری |
| چمک جائے دل بھی قمر آپ دے دیں |
| ہرا کردے سوکھا ہوا کھیت میرا |
| برس جائے جم کر ابر آپ دے دیں |
| نہ ساکن رہے عشق کا یہ سمندر |
| سمندر کو موجِ زبر آپ دے دیں |
| خدا کو خدا کی قسم تم سے جانا |
| خبر بس وہی جو خبر آپ دے دیں |
| لٹا دوں متاعِ حیات اپنی تم پر |
| مجھے کوئی رنگِ بدر آپ دے دیں |
| تمہیں دیکھوں پھر دیکھتا ہی رہوں میں |
| مجھے دید اپنی جدھر آپ دے دیں |
| سلگ تو رہی ہے بھڑکتی نہیں ہے |
| لگی تو ہے من میں شرر آپ دے دیں |
| مرا کیا ہے تیرے سوا کچھ نہیں ہے |
| جو دل مانگتا ہے گہر آپ دے دیں |
| اگر چہ ہے عالم کی شاہی تمہاری |
| مجھے حاضری کا گہر آپ دے دیں |
| میں سب جانتا ہوں مجھے سب خبر ہے |
| چھپا ہاتھ میں ہے دہر آپ دے دیں |
| مرے کام کا اب نہیں یہ زمانہ |
| مجھے تو فقط اپنا در آپ دے دیں |
| بنا کر مری عاقبت اپنا کر لیں |
| مٹے تشنگی چشمِ تر آپ دے دیں |
| حضور اپنے جامی کو اپنا بنا لیں |
| کمینے کو کوئی ہنر آپ دے دیں |
معلومات