| بجلی گرے کہیں یا تلوار آ گرے |
| یا اپنے سر پہ گھر کی دیوار آ گرے |
| مزدور گِھر گئے ہیں فکرِ معاش میں |
| ہڑتال سے بچے تو تہوار آ گرے |
| اس مے کدے کو لوگو مت مے کدہ کہو |
| جس مے کدے میں کوئی دیں دار آ گرے |
| کارِ جہاں یہی ہے قدرت عجیب ہے |
| دو چار چل بسے تو دو چار آ گرے |
| آنکھوں میں اس کی جانے کیسا خمار تھا |
| با ہوش گھر سے نکلے ، سرشار آ گرے |
| پوری نہ ہو سکے گی اس شخص کی کمی |
| ٹھوکر میں اپنی چاہے سنسار آ گرے |
| اک پل میں شاہ کاسہ بردار ہو گئے |
| ناکامیوں کا جن پر انبار آ گرے |
| سِدْویؔ نہ دشمنوں کی پگڑی اچھالئے |
| پاداش میں نہ اپنی دستار آ گرے |
معلومات