| پہلے آدابِ عشق و وفا سیکھ لوں |
| پھر ثنائے حبیبِ خداﷺ سیکھ لوں |
| مَدحِ سرکار ﷺ میں لب کشائی نہیں |
| پہلے آدابِ قول و نَوا سیکھ لوں |
| خود کو آتا نہیں فَنِّ مِدحَت ابھی |
| پہلے اِس فن کی ہر اِبْتِدا سیکھ لوں |
| اُن کی چوکھٹ کو ہے چومنا با ادب |
| پہلے آنکھوں میں رنگِ حیا سیکھ لوں |
| خاکِ طیبہ کا ذرہ بھی شمس و قمر |
| پہلے ذَرَّوں سے حُسنِ ادا سیکھ لوں |
| بس لَبوں پر سجا کر درد و سلام |
| دم بدم دل میں اُن کی رِضا سیکھ لوں |
| زخمِ دل کی کوئی اَورْ نہیں ہے دوا |
| ذکرِ سرکار ﷺ سے ہی شِفا سیکھ لوں |
| شوق دیدار میں دل مچلتا بہت |
| پہلے آنکھوں میں نورِ لِقا سیکھ لوں |
| دل میں اک ہی تمنا ہے اب ہر گھڑی |
| اے منورؔ نبی ﷺ کی ثَناء سیکھ لوں |
معلومات