| آج ظالم سے نظریں ملا کر چلو |
| جرات و استقامت کی رہ پر چلو |
| زیر دشمن کو کرنا جو ممکن نہ ہو |
| منہ چھپا کر نہیں جاں لٹا کر چلو |
| جان تو ایک دن یوں بھی جانی تو ہے |
| سر جھکا کر نہیں سر اٹھا کرچلو |
| بات میری عزیزان ملت سنو |
| روند کر بندشیں دن دنا کر چلو |
| کربلا سے ملا ہے فقط یہ پیام |
| مثل حر تم عزیمت کی رہ پر چلو |
| شور تکبیر سے تھرتھرائے زمیں |
| نغمئہ لا تزر گنگنا کر چلو |
| کوئی اٹھے نہ اٹھے پَر احمد تمہیں |
| یہ اذاں ہے سحر کی صدا کر چلو۔۔۔۔ |
معلومات