| مکیں دن بھر یہاں پر چیختا ہے |
| یہ تُو کِس کی لحد میں آ پڑا ہے |
| تکبر تیرے لفظوں میں بھرا ہے |
| ترا انداز گو اشراف سا ہے |
| خدا کے سامنے سرکش ہے کیونکر |
| بتا انساں تری اوقات کیا ہے |
| عطائے ربی ساری نعمتیں ہیں |
| مگر انساں خدا نا آشنا ہے |
| تجھے دنیا مجھے محشر کی فکریں |
| ہمارا راستہ بالکل جدا ہے |
| تجھے زیبا ہے کیا مادہ پرستی؟ |
| اسی نے تو بپا فتنہ کیا ہے |
| قلم سے کر اسے بیدار سِدْویؔ |
| اگر سوئی ہوئی خلقِ خدا ہے |
معلومات