.jpeg)
| کیا ہی زباں ہے اردو قومی زباں ہماری |
| فطرت ہے، آساں تر ہے اردو زباں ہماری |
| کیا خوب داستاں ہے اردو زباں ہماری |
| مظلوم کی فغاں ہے اردو زباں ہماری |
| گفت و شنید باہم اردو سے صرف ممکن |
| ہم سب کی ترجماں ہے اردو زباں ہماری |
| تعمیر کی ہے اس کی خود کو مٹا مٹا کر |
| اجداد کا نشاں ہے اردو زباں ہماری |
| میٹھا اک ایک جملہ پر کیف ہر مقالہ |
| الحق شکر نشاں ہے اردو زباں ہماری |
| الفاظ چاند تارے بن کر چمک رہے ہیں |
| رفعت میں آسماں ہے اردو زباں ہماری |
| ہر شخص کی زباں ہے اردو زباں ہماری |
| گلزار بے خزاں ہے اردو زباں ہماری |
| ہر آدمی کے دل میں گھر کر رہی ہے شاعر |
| محبوب مہرباں ہے اردو زباں ہماری |
معلومات