| مری قسمت میں لکھتا ہوں ترا ہر وصف محکم سا |
| تری تذکیر کر دے گی مجھے پاکانِ منعم سا |
| نمازیں آج کعبہ میں علی الاعلاں ادا ہوں گی |
| کہ آیا ہے سرِ میداں جری فاروقِ اعظم سا |
| نبوت بھی اگر ملتی جہاں میں مصطفیٰ ﷺ کے بعد |
| تو ملنا تھا نبی ہم کو مرے فاروقِ اعظم سا |
| محب تیرے تو ہوں گے بس تری آغوشِ الفت میں |
| ترا دشمن پھرے گا حشر میں شیطانِ مجرم سا |
| انہیں جو مصطفیٰ ﷺ کی آل کا ٹھہراتا ہو مجرم |
| اسے کہہ دو کہ کھنگالے ہے اس کا شجرہ مبہم سا |
| ہمیں خیرات دو ایسی غموں سے ہو نجات آقا |
| نہیں ہے بے نوا ہم سا نہیں حاجت روا تم سا |
| حسنؔ نے خوب فرمایا ترے دشمن کمینوں کو |
| الہی روز و ماہ و سن انہیں گزرے محرم سا |
| قصیدے جب سنائیں ہم تری شان و خلافت کے |
| خروج و رفض میں بنتا ہے اک ماحول ماتم سا |
| عدالت جان ہے ان کی شجاعت مان ہے ان کی |
| نہیں ثاقب ہوا کوئی بھی اس سلطانِ عالم سا |
معلومات